ԱՀԿ-ն նշել է այն պայմանը, որի առկայության դեպքում կորոնավիրուսի պատվաստանյութը անօգուտ կլինի

20:02   22 Փետրվար 2021    172

Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադանոմ Գեբրեյեսուսը հայտարարել է կորոնավիրուսի դեմ լայնամասշտաբ պատվաստումների անհրաժեշտության մասին:

«Բոլոր երկրներում պատվաստւմների սկիզբը բխում է ամբողջ աշխարհի շահերից: Սա կօգնի պայքարել վիրուսի դեմ ամենուր»,- հայտարարել է պաշտոնյան, տեղեկացնում է Hayatsk.info-ն:

Նա ընդգծել է, որ եթե վիրուսը հնարավոր չլինի հաղթահարել ամենուր, մարդկությունը չի կարողանա դա անել համաշխարհային մասշտաբով: Գեբրեյեսուսը բոլոր երկրներին հորդորել է չհետաձգել պատվաստումը, քանի որ հակառակ դեպքում կորոնավիրուսի նոր շտամեր կհայտնվեն:

«Այս դեպքում մեր օգտագործած պատվաստանյութերը կարող են անօգուտ դառնալ», - զգուշացրել է ԱՀԿ ղեկավարը:

Նա ընդգծել է, որ զարգացող երկրներում պատվաստումների բացակայությունը դեղորայքի բացակայության պատճառով խնդիրներ կստեղծի ոչ միայն նրանց, այլև հարուստ երկրների համար: Ուստի Գեբրեյեսուսը զարգացած երկրների իշխանություններին հորդորել է բացատրել իրենց քաղաքացիներին, որ վիրուսից պաշտպանվելու համար անհրաժեշտ է պատվաստել ոչ միայն նրանց, այլ նաև աշխարհի մյուս երկրների բնակիչներին:


Hayatsk.info

Հեշթեգներ: Աշխարհ    


Վերնագիրի այլ պիտակները