Բայդենը պատրաստվում է հայտարարել Էր Ռիադի նկատմամբ քաղաքականությունում էական փոփոխությունների մասին

09:13   27 Փետրվար 2021    149

ԱՄՆ նախագահ Ջո Բայդենը մարտի 1-ին կհայտարարի Էր Ռիադի նկատմամբ քաղաքականությունում էական փոփոխությունների մասին։

Hayatsk.info-ն հայտնում է, որ այդ մասին նա ասել է Սաուդյան Արաբիայի թագավոր Սալման բեն Աբդել Ազիզի Ալ Սաուդի հետ հեռախոսազրույցում։

«Երեկ ես խոսել եմ թագավորի հետ, այլ ոչ թե գահաժառանգ արքայազնի։ Հստակ հայտնել եմ նրան, որ կանոնները փոխվում են, և մենք պատրաստվում ենք հայտարարել զգալի փոփոխությունների մասին այսօր և երկուշաբթի»,-ասել է Բայդենն ամերիկյան իսպանալեզու Univision հեռուստաալիքին՝ պատասխանելով հարցին այն մասին, թե որքան հեռու է մտադիր գնալ ԱՄՆ վարչակազմը Սաուդյան Արաբիային ճնշելու հարցում։ Բայդենի խոսքով՝ իրենք մտադիր են նրանց պատասխանատվության ենթարկել մարդու իրավունքների խախտումների համար։

Նախագահը նշել է, որ եթե Սաուդյան Արաբիան ցանկանում է համագործակցել ԱՄՆ-ի հետ, ապա պետք է դադարեցի մարդու իրավունքների խախտումները։ Բայդենի խոսքով՝ իրենք այդպիսի քաղաքականության են ձգտում իրականացնել ողջ աշխարհում։

Hayatsk.info

Հեշթեգներ: ԱՄՆ  


Վերնագիրի այլ պիտակները