Հեղաշրջում՝ Մյանմայում. ՄԱԿ-ի ներկայացուցչին թույլ չեն տվել մուտք գործել երկիր

14:13   27 Փետրվար 2021    270

Մյանմայի նոր ղեկավարությունը մերժել է ՄԱԿ-ի հատուկ բանագնաց Քրիստինե Շրաներ Բուրգեներին այցելել երկիր` խնդրելով հետաձգել այն անորոշ ժամանակով:

Hayatsk.info-ն հայտնում է, որ այս մասին հայտարարել է քաղաքական գործիչը ՄԱԿ-ի Գլխավոր ասամբլեայի առջև ելույթի ժամանակ:

«Ցավոք, ներկայիս ռեժիմը խնդրում է ինձ դեռ հետաձգել այցը: Հավատում եմ, որ նրանք մտադիր են շարունակել լայնածավալ ձերբակալությունները և ձերբակալվածներից ցուցմունքներ են ստանում քաղաքացիական իշխանությունների դեմ: Դա դաժան է և անմարդկային», - նշել է Բուրգեները:

Այս կապակցությամբ բանագնացը միջազգային հանրությանը կոչ է արել օգտագործել իր ազդեցությունը Մյանմա մուտք գործելու համար և օբյեկտիվորեն գնահատել երկրում ստեղծված իրավիճակը:

Նրա կարծիքով՝ իշխանությանը գտնվող զինվորականները կշարունակեն կիրառել քաղաքական բռնաճնշումներ և զենք բողոքողների դեմ:

Հիշեցնենք, որ փետրվարի 1-ի գիշերը Մյանմայում տեղի է ունեցել ռազմական հեղաշրջում:

Hayatsk.info

Հեշթեգներ: Մյանմա  


Վերնագիրի այլ պիտակները