2020 թվականին Չեխիայի ՀՆԱ-ի անկումը դարձել է հանրապետության պատմության մեջ խոշորագույնը

17:18   02 Մարտ 2021    123

Չեխիայի տնտեսության անկումը կորոնավիուսի համավարակի հարուցած սահմանափակումների պատճառով 2020 թվականին կազմել Է 5,6 տոկոս եւ դարձել խոշորագույնը 1993 թվականի հունվարի 1-ին կազմավորված հանրապետության պատմության մեջ:

Hayatsk.info-ն հայտնում է, որ այդ մասին հայտնել Է Չեխիայի հեռուստատեսությունը՝ վկայակոչելով երկրի վիճակագրական վարչությունը:

Համավարակի պատճառով սահմանափակումներն առավել բացասականորեն են անդրադարձել հյուրանոցային եւ տուրիստական ճյուղերում, առեւտրի եւ տրանսպորտի ոլորտում: Արձանագրվել Է արտադրության անկում, քանի որ երկրի արդյունաբերական ձեռնարկությունների մի մասը կանգնեցվել Էր համավարակի առաջին ալիքի ժամանակ:

Հանրապետության բնակիչները ֆինանսական իրադրության վատթարացման երկյուղների պատճառով կրճատել են ծախսերը, ինչը բացասաբար Է անդրադարձել սպառողական պահանջարկի վրա: Նվազել Է նաեւ ներդրումային ակտիվությունը: Չեխիայի իշխանություններն ավելի վաղ գործատուներին պարտավորեցրել են աշխատակիցների կորոնավիրուսի թեստավորում կատարել: Կազմակերպությունները եւ ձեռնարկությունները, որոնք թեստավորում չեն կատարի, կտուգանվեն մինչեւ 500 հազար կրոնի չափով:

Hayatsk.info

Հեշթեգներ: Չեխիա  


Վերնագիրի այլ պիտակները