ՌԴ-ում գրանցվել է դեպի Վրաստան ավիատոմսերի պահանջարկի 37 անգամ աճ

22:41   06 Մարտ 2021    349

Սահմանները բացելու մասին հայտարարությունից հետո ռուս զբոսաշրջիկները շտապում են իրենց հանգիստն անցկացնել Վրաստանում՝ գրում է «Լենտա.ռու» -ն՝ վկայակոչելով Aviasales ավիատոմսերի որոնման առցանց ծառայության ուսումնասիրությանը:

Ըստ Aviasales-ի՝ վերջին 10 օրվա ընթացքում դեպի Վրաստան ավիատոմսերի պահանջարկը աճել է 37 անգամ: Միևնույն ժամանակ, վերլուծաբանները նշում են, որ դեպի Վրաստան ավիատոմսերի ամրագրումները վերականգնվել են 87% -ով՝ ի համեմատ մինչև կորոնավիրուսային համաճարակի սկիզբը, տեղեկացնում է Hayatsk.info-ն:

Ռուսաստանի քաղաքացիների Վրաստան նախատեսվող ուղևորությունների միջին տևողությունը 8.6 օր է: Ուսումնասիրության համաձայն՝ դեպի Թբիլիսի էկոնոմ դասի միակողմանի ուղևորության համար Aviasales օգտվողները վճարում են միջինը 17 հազար ռուբլի: Քանի որ Ռուսաստանից Վրաստան ուղիղ չվերթներ չկան, նրանք ստիպված են ընտրել տարանցիկ չվերթներ, օրինակ՝ Ստամբուլով:

Hayatsk.info

Հեշթեգներ: Աշխարհ    


Վերնագիրի այլ պիտակները

hayatsk.info ©2016 | Բոլոր իրավունքները պաշտպանված են