Շինարարները Թուրքիայում խորհրդավոր հին սարկոֆագ են գտել

11:45   07 Մարտ 2021    307

Թուրքիայում քաղաքապետարանի աշխատողները շինարարական աշխատանքների ընթացքում անսպասելիորեն հնագույն սարկոֆագ հայտնաբերեցին:

Դա տեղի է ունեցել Թուրքիայի հյուսիս-արևմուտքում գտնվող Էսքիշեհիր նահանգի Սեյիթգազի շրջանում:

Բանվորները հողը փորելիս հայտնաբերել են 1,5 մետր բարձրությամբ և 33 սմ լայնությամբ մարմարե սարկոֆագ։ Շրջանի ժանդարմերիայի հրամանատարությունը վերցրեց սարկոֆագը և փոխանցեց Էսքիշեհիր թանգարանի աշխատակազմին՝ հետագա ուսումնասիրության համար:

Էսքիշեհիերում արդեն կատարվել են մի քանի նշանակալի հնագիտական հայտնագործություններ: Վերջին տարիներին սա Սեյիթգազիի տարածքում կատարված երկրորդ հետաքրքիր հնագիտական հայտնագործությունն է, գրում է Daily Sabah-ը: Նախկինում հնագետները Կուլլուոբա բնակավայրում հայտնաբերել էին 5000 տարվա հնության ներկապնակ, որը ենթադրաբար օգտագործվել է խեցեղեն նկարելու համար:

Հայտնաբերված սարկոֆագի մասին կարելի է ասել, որ այն պատկանել է խիստ ազնվական ընտանիքից մի մարդու: Այժմ գիտնականները պետք է որոշեն դրա տարիքը և հնարավոր «սեփականատիրոջը»:

Hayatsk.info

Հեշթեգներ: Թուրքիա  


Վերնագիրի այլ պիտակները