Ֆրանսիայում ուղղաթիռի վթարի հետևանքով միլիարդատեր պատգամավոր է զոհվել

12:13   08 Մարտ 2021    211

Մահացել է ֆրանսիացի պատգամավոր, միլիարդատեր Օլիվիե Դասոն, ինչի մասին տեղեկացրել է Ֆրանսիայի նախագահ Էմանուել Մակրոնը:

Դասոն զոհվել է ուղղաթիռի կործանման հետևանքով, հայտնում է Reuters լրատվական գործակալությունը՝ վկայակոչելով ոստիկանության աղբյուրները:

«Օլիվիե Դասոն սիրում էր Ֆրանսիան: Արդյունաբերության ղեկավար, օրենսդիր, ընտրված պաշտոնյա, պահեստային սպա։ Նա իր կյանքում երբեք չի դադարել ծառայել մեր երկրին և գնահատել երկրի հարստությունը: Նրա հանկարծակի մահը մեծ կորուստ է», - գրել է Մակրոնն իր թվիթերյան էջում:

Reuters լրատվական գործակալության աղբյուրի փոխանցմամբ, Դասոյի մահվան ելքով ուղղաթիռի վթարը տեղի է ունեցել Նորմանդիայում: Զոհվել է նաև մասնավոր ուղղաթիռի օդաչուն:

Օլիվիե Դասոն Dassault Aviation-ի հիմնադիր Մարսել Դասոյի թոռն է: Դասոյի ընտանիքինէ պատկանում Dassault Group-ը և Le Figaro թերթը: Forbes-ը Օլվիեր Դասոյի կարողությունը գնահատում է 7,3 միլիարդ դոլար։

Hayatsk.info

Հեշթեգներ: Ֆրանսիա  


Վերնագիրի այլ պիտակները