Մեգան Մարքլը մեղադրել է բրիտանական թագավորական ընտանիքին ռասիզմի մեջ

14:37   08 Մարտ 2021    275

Մեգան Մարքլը, ամերիկյան հեռուստահաղորդավարուհի Օփրա Ուինֆրիին տված հարցազրույցում, ակնարկել է բրիտանական թագավորական ընտանիքում ռասիզմի մասին:

Նա նշել է, որ տոհմի որոշ անդամներ, Սասեքսի դքսուհու առաջին հղիության ընթացքում, անհանգստություն են հայտնել իր ապագա որդու մաշկի գույնի կապակցությամբ: Հարցազրույցը հեռարձակել է CBS հեռուստաալիքը, տեղեկացնում է Hayatsk.info-ն:

Դքսուհին պարզաբանել է, որ իրեն ցնցել է արքայական ընտանիքի ներկայացուցիչների խոսքերը, որ երեխան արքայազն չի դառնա և անձնական պաշտպանություն չի ստանա։ Ըստ Մարքլի, Արչիի ծնվելուց հետո «քննարկումներ են եղել այն մասին, թե որքան մուգ կլինի» նրա մաշկի գույնը:

Միևնույն ժամանակ, Մարքլը չի պատասխանել այն հարցին, թե թագավորական ընտանիքի անդամներից ով է նման խոսակցությունների նախաձեռնողը, որպեսզի «ընտանիքին շատ վնաս չպատճառի»:

Hayatsk.info

Հեշթեգներ: Մեգան-Մարքլ  


Վերնագիրի այլ պիտակները