ԱՄՆ-ն ռմբակոծիչներ է ուղարկել Մերձավոր Արեւելք

18:01   08 Մարտ 2021    282

ԱՄՆ-ն Մերձավոր Արեւելք է ուղարկել երկու ռազմավարական B-52H Stratofortress ռմբակոծիչ:

Hayatsk.info-ն հայտնում է, որ այս մասին հայտնում է «Ինտերֆաքսը»՝ վկայակոչելով Պենտագոնի հաստատումը:

Միացյալ Նահանգներից եւ Մեծ Բրիտանիայից ավիադիտարկումների տվյալների համաձայն՝ ԱՄՆ տարածքից օդ բարձրացած ռմբակոծիչները հասել են մինչեւ Իրանի սահման, այնուհետեւ հետ են վերադարձել: Այդ երկարատեւ թռիչքի ժամանակ դրանց ուղեկցել են Իսրայելի, Սաուդյան Արաբիայի եւ Կատարի կործանիչները:

ԱՄՆ-ն պարբերաբար կատարում է ՌՕՈՒ նման թռիչքներ: Անցյալ տարվա նոյեմբերին ամերիկացի զինվորականները պարզաբանել էին, որ իրենց նպատակն է «ագրեսիայի զսպումը եւ ԱՄՆ գործընկերների ու դաշնակիցների աջակցության հաստատումը», այսինքն՝ ռազմական ուժի ցուցադրումը: Կոնկրետ այս անվայրէջք թռիչքի միջոցով ցուցադրվում է իրենց ռմբակոծիչներն արագ հետ շրջելու ամերիկացիների ունակությունը:

Hayatsk.info

Հեշթեգներ: ԱՄՆ  


Վերնագիրի այլ պիտակները