«Ծառուկյան» դաշինքը երկու ամսով զինադադար է հայտարարում կառավարությանը

08:59   12 Հոկտեմբեր 2017    299

Hayatsk.info-ն հայտնում է, որ երեկ հրավիրված Հայաստանի ԱԺ տնտեսական հարցերի մշտական հանձնաժողովի նիստի օրակարգում ընդգրկված էր «Ծառուկյան» դաշինք խմբակցության կողմից ԱԺ ներկայացված երեք օրենսդրական նախաձեռնություն:

«Ծառուկյան» դաշինքի անդամ պատգամավորներն առաջարկում էին օրենսգրքում մի քանի փոփոխություններ կատարել, որոնք կթեթեւացնեին քաղաքացիների եւ տնտեսվարողների հարկային բեռը։

Սակայն այդ նախաձեռնությունները չքննարկվեցին, քանի որ հանձնաժողովի նախագահ Խոսրով Հարությունյանը հայտնեց, որ «Ծառուկյան» դաշինքի ներկայացուցիչների առաջարկով քննարկումը հետաձգվում է մինչեւ երկու ամիս ժամկետով։

Սա նշանակում է, որ «Ծառուկյան» դաշինքը երկու ամսով զինադադար է հայտարարում կառավարությանը, որն այդ նախագծերը մերժել էր։ Թե ինչով է պայմանավորված զինադադարը եւ կվերածվի կայուն խաղաղության՝ պարզ կլինի առաջիկայում։

Hayatsk.info

Հեշթեգներ: Ծառուկյան   ԱԺ  


Վերնագիրի այլ պիտակները