Բրյուսելում մեկնարկել է ՆԱՏՕ-ի ռազմական կոմիտեի երկօրյա նստաշրջանը

13:06   16 Հունվար 2018    734

Hayatsk.info-ն հայտնում է, որ հունվարի 16-ին Բրյուսելում բացվել է ՆԱՏՕ-ի ռազմական կոմիտեի երկօրյա նստաշրջանը, որի գլխավոր թեմաները կդառնան դաշինքի արդիականացումը եւ ռազմական հնարավորությունների ուժեղացումը, գործողություններն Աֆղանստանում եւ Իրաքում, ինչպես նաեւ հարաբերությունները գործընկեր երկրների հետ:

Այդ մասին հայտարարել է Ռազմական կոմիտեի ղեկավար գեներալ Պյոտր Պավելը՝ բացելով առաջին նիստը: Այդ կառույցի մեջ մտնում են դաշինքի 29 պետությունների գլխավոր շտաբների պետերը: «Մեզ անհրաժեշտ է ապահովել ՆԱՏՕ-ի արդիականացման գործընթացի շարունակումը, գնահատական տալ մեր ամբողջ ռազմական ակտիվությանը եւ համոզվել, որ մեր բոլոր ռազմական ռեսուրսներն օգտագործվում են առավելագույն արդյունավետությամբ»,-ասել է նա:

«Մենք պետք է քննարկենք դաշինքի հնարավորությունների զարգացման հեռանկարները հարեւան տարածաշրջաններում կայունության ապահովման առումով, ինչում զգալի դեր են խաղում հարաբերությունները մեր գործընկերների հետ»,-հայտարարել է գեներալը: Նա նշել է, որ հունվարի 17-ին Բրյուսելում հանդիպումներ կանցկացվեն Ուկրաինա-ՆԱՏՕ եւ Վրաստան-ՆԱՏՕ հանձնաժողովների շրջանակներում: ՆԱՏՕ-ի ռազմական կոմիտեի այս նիստը պետք Է դառնա դաշինքի պաշտպանության նախարարների՝ փետրվարին կայանալիք հանդիպման նախապատրաստական փուլը:

Hayatsk.info

Հեշթեգներ: Բրյուսել   ՆԱՏՕ   Ադրբեջան  


Վերնագիրի այլ պիտակները