Մահացել է ֆիզիկոս, տիեզերաբան Սթիվեն Հոքինգը

09:47   14 Մարտ 2018    723

Բրիտանական Քեմբրիջում 76 տարեկանում կյանքից հեռացել է մեր ժամանակների լավագույն գիտնականներից մեկը՝ ֆիզիկոս, տիեզերաբան, «Ժամանակի հակիրճ պատմությունը» աշխատության հեղինակ Սթիվեն Հոքինգը, տեղեկացնում է Hayatsk.info-ն:

Պրոֆեսորը, որի գաղափարների շնորհիվ ձևավորվել է ժամանակակից տիեզերաբանությունն ու ընկալելի դարձել բազմամիլիոնանոց ոչ մասնագիտական լսարանի համար, մահացել է իր տանը՝ հարազատներով շրջապատված:

Գիտնականի ընտանիքն արդեն տարածել է նրա մահը հաստատող պաշտոնական հայտարարություն:

Հայտնի է, որ Հոքինգը տառապում էր հազվագյուտ հիվանդությամբ (մկանների ապաճման երկրորդային կարծրախտ), որը նրա մոտ ախտորոշվել էր 21 տարեկանում: Այս հիվանդությունը տասնամյակներ շարունակ նրան աստիճանաբար անդամալույծ էր դարձրել։

Hayatsk.info

Հեշթեգներ: Աշխարհ   Սթիվեն-Հոքինգ  


Վերնագիրի այլ պիտակները