Մադրիդում զանգվածային անկարգություններ են տեղի ունեցել փողոցային վաճառականի մահից հետո. VIDEO

10:42   16 Մարտ 2018    561

Ինչպես տեղեկացնում է Hayatsk.info-ն՝ վկայակոչելով «The Guardian»-ին, Մադրիդի կենտրոնում զանգվածային անկարգություններ են տեղի ունեցել աֆրիկացի ներգաղթյալի մահից հետո։

Տուժածներ կան ինչպես իրավապահ մարմինների աշխատակիցների, այնպես էլ ցույցերի մասնակիցների շրջանում:

Ոստիկանությունում աղբյուրների տվյալներով՝ 35-ամյա սենեգալցի Մամե Մբագեն մահացել է սրտային անբավարարությունից: Ականատեսներն ու տղամարդու ծանոթները հայտարարում են, որ նրա մահը տեղի է ունեցել հետապնդման հետևանքով, որն իրավապահները կազմակերպել են փողոցային առևտրականների, այդ թվում՝ սենեգալցու նկատմամբ: Սենեգալցին Իսպանիա էր ժամանել 14 տարի առաջ, բայց չուներ բնակության թույլտվություն:

Հինգշաբթի երեկոյան Մադրիդի Լավապյես թաղամասում, որտեղ բնակվում էր Մբագեն, հավաքվել է մոտ 200 ցուցարար, որոնք բղավել են «Սոցիալակա՛ն, այլ ո՛չ ոստիկանական պետություն», «Մարդասպան ոստիկաններ» և այլ կարգախոսներ:

Այնուհետև ցույցերը տարածվել են նաև այլ թաղամասերում, դրանց մասնակիցներն այրել են աղբարկղեր և ոստիկանական մեքենաներ, հարձակվել ավտոբուսի կանգառների և բանկերի մասնաճյուղեի վրա:

Իրավապահները ռետինե փամփուշտներ են օգտագործել իրավախախտների նկատմամբ:



Hayatsk.info

Հեշթեգներ: Մադրիդ  


Վերնագիրի այլ պիտակները

hayatsk.info ©2016 | Բոլոր իրավունքները պաշտպանված են