Ֆիլիպիններում օդանավ է կործանվել

12:24   17 Մարտ 2018    572

Ինչպես տեղեկացնում է Hayatsk.info-ն՝ վկայակոչելով «ՌԻԱ Նովոստի»-ին, յոթ մարդ է զոհվել Ֆիլիպիններում օդանավի կործանման հետեւանքով։

Հեռուստաալիքի տվյալներով՝ օդանավի կործանումը տեղի է ունեցել մարտի 16-ին Բուլական նահանգում։ Օդանավը հետեւում էր Պլարիդել-Լաօագ երթուղուն։Օդանավում վեց ուղեւոր ու մեկ օդաչու է եղել։

Ֆիլիպինների քաղավիացիայի կազմակերպությունը հայտնում է, որ Piper PA-23 Apache օդանավը շահագործում էր Lite Air Express ավիաընկերությունը։

«Բոլոր օդանավերը, որոնք շահագործում է Lite Air Express ընկերությունը, չվերթներ չեն կատարում ու սպասում են միջադեպի հետաքննության արդյունքներին»,- հավելել է քաղավիացիայի կազմակերպության ներկայացուցիչ Էրիկ Ապոլոնիոն։

Hayatsk.info

Հեշթեգներ: Ֆիլիպին  


Վերնագիրի այլ պիտակները