Սթիվեն Հոքինգը կթաղվի Իսահակ Նյուտոնի եւ Չարլզ Դարվինի կողքին

17:42   21 Մարտ 2018    289

Սթիվեն Հոքինգի աճյունը թաղվելու է Վեսթմիսթերյան աբբայությունում՝ Իսահակ Նյուտոնի եւ Չարլզ Դարվինի գերեզմանների կողքին, տեղեկացնում է Hayatsk.info-ն:

Հայտնի անգլիացի ֆիզիկոս տեսաբան, տիեզերաբան եւ գիտությունը մասսայականացնող Սթիվեն Հոքինգը դարձել էր իր ժամանակի ամենահարգված եւ հայտնի մարդկանցից մեկը՝ չնայած ծանր նյարդադեգեներատիվ հիվանդության: Նա մահացել է մարտի 14-ին, 76 տարեկանում Քեմբրիջի իր տանը:

Հիշատակի արարողությունը տեղի կունենա Քեմբրիջում, քաղաք, որը նա շատ էր սիրում, ասվում է Հոքինգի ընտանիքի հայտարարության մեջ: Այն տեղի կունենա Զատկի կիրակի՝ ապրիլի 1-ին, Քեմբրիջի համալսարանի Սբ. Մարիամ եկեղեցում:

Հիշատակի արարողության մասին տեղեկատվությունը քոլեջի կայքում տեղադրրել են հայտնի գիտնականի երեխաները՝ Լյուսին, Ռոբերտը եւ Տիմը:

Հուղարկավորությունը տեղի կունենա մարտի 31-ին: Դրան կմասնակցեն Հոքինգի հարազատները, ընկերները եւ գործընկերները:

Hayatsk.info

Հեշթեգներ: Աշխարհ   Սթիվեն-Հոքինգ  


Վերնագիրի այլ պիտակները