«Սասնա ծռերի» աջակիցները միակողմանի փակել են Արշակունյաց պողոտան. Լուսանկարներ

14:20   16 Մայիս 2018    261

«Սասնա ծռերի» աջակիցները այս պահին միակողմանի փակել են Արշակունյաց պողոտան: Նրանք պահանջում են դատավոր Մեսրոպ Մակյանից արդար որոշում կայացնել եւ բավարարել «Սասնա ծռերի» փաստաբանների միջնորդությունը՝ նրանց խափանման միջոց կալանքը փոխելու վերաբերյալ:

«Սասնա ծռերից» Գագիկ Եղիազարյանի որդին՝ Դավիթը, հայտարարեց, որ ճանապարհ փակելով իրենք նաեւ դատարանից պահանջում են ժամը 16.00-ից ավելի շուտ որոշում կայացնել, այլապես իրենք կփակեն նաեւ Փեթակի խաչմերուկը:

Հիշեցնենք, որ քիչ առաջ դատական նիստի ժամանակ Պավլիկ Մանուկյանը բոլորին կոչ արեց դուրս գալ փողոց, փակել փողոցները եւ այդկերպ ճնշում գործադրել, որ արդար դատական որոշում կայացվի:

«Սասնա ծռերի» աջակիցները վանկարկում են «Սասնա ծռեր» եւ վարորդներին կոչ են անում միանալ իրենց: Նրանք մեքենաներին պաստառներ են փակցնում՝ «Սասնա ծռերին» ազատելու կոչով:




Hayatsk.info

Հեշթեգներ: Սասնա-ծռեր  


Վերնագիրի այլ պիտակները