Դենիել Քրեյգը նոր ֆիլմում կրկին կմարմնավորի Ջեյմս Բոնդին

15:33   25 Մայիս 2018    210

Հոլիվուդյան Universal Pictures կինոստուդիան իրավունք է ստացել նկարահանելու գաղտնի գործակալ Ջեյմս Բոնդի մասին 25-րդ ֆիլմը, որում գլխավոր հերոսին կրկին կմարմնավորի բրիտանացի Դենիել Քրեյգը:

Ինչպես նշում է Daily Mail-ը, կապուտաչյա բրիտանացին արդեն 5-րդ անգամ կխաղա գաղտնի գործակալի դերը:

Հիսունամյա դերասանի վերադարձը զարմացրել է երկրպագուներին, քանի որ մեկ տարի առաջ Քրեյգը հայտարարել էր, որ «ավելի լավ է կոտրի իր ձեռքերը, քան թե նորից խաղա այդ դերը»:

Աղբյուրը հավելում է, որ Քրեյգն այդ դերում կնկարահանվի վերջին անգամ:

Ռեժիսոր Դենի Բոյլի ֆիլմը թողարկվելու է 2019թ. հոկտեմբերին: Դրա նկարահանումները սկսվելու են ընթացիկ տարվա դեկտեմբերին:

Hayatsk.info

Հեշթեգներ: Դենիել-Քրեյգ  


Վերնագիրի այլ պիտակները