Թրամփի՝ առեւտրային հաշվեկշռի հաշվարկի մոտեցումը հնացել է. Մերկել

11:59   13 Հունիս 2018    599

ԱՄՆ նախագահ Դոնալդ Թրամփի՝ առեւտրային հաշվեկշռի հաշվարկի մոտեցումը հնացել է:

Hayatsk.info-ն հայտնում է, որ այս մասին Գերմանիայի կանցլեր Անգելա Մերկելը հայտարարել է Քրիստոնեա-դեմոկրատական միություն խմբակցության տնտեսական խորհրդի միջոցառման ժամանակ:

Մերկելը նշել է, որ առեւտրային հաշվեկշռի սալդոն հաշվարկելիս հաշվի չի առնվում ծառայությունների վաճառքը: «Եթե այն ներառվի առեւտրային հաշվեկշռի մեջ, ապա կստացվի, որ ԱՄՆ-ն Եվրոպայի հետ առեւտրում մեծ պրոֆիցիտ ունի (եկամուտների գերազանցում ծախսերի նկատմամբ – խմբ.): Եվ ծառայությունների բաժինը կաճի»,- վստահ է Գերմանիայի կանցլերը: Նրա խոսքով՝ Գերմանիան ԱՄՆ-ում ավելի շատ է ներդրումներ անում, քան Միացյալ Նահանգները Գերմանիայում:

Ավելի վաղ Թամփն իր Twitter-ում նշել էր, որ ԱՄՆ-ն չափից ավելի շատ է փող ծախսում ՆԱՏՕ-ի երկրների համար: «Գերմանիան ՆԱՏՕ-ին աջակցելու համար վճարում է իր ՀՆԱ-ի 1 տոկոսը, մինչդեռ ԱՄՆ-ն՝ այդ կարիքների համար ՀՆԱ-ի 4 տոկոսից ավելին»,- հայտարարել էր նա: ԱՄՆ նախագահը նաեւ կրկին հիշեցրել էր ԱՄՆ 800 մլրդ դոլարի առեւտրային դեֆիցիտի մասին:

Hayatsk.info

Հեշթեգներ: Մերկել  


Վերնագիրի այլ պիտակները