Իրանը հրաժարվել է մասնակցել ՕՊԵԿ+ հանդիպմանը

14:23   20 Հունիս 2018    585

Ինչպես տեղեկացնում է Hayatsk.info-ն՝ վկայակոչելով «Reuters»-ին, Իրանի նավթի նախարար Բիժար Նամդար Զանգանեն հայտարարել է, որ հունիսի 23-ին չի մասնակցի ՕՊԵԿ+ հանդիպմանը:

Ուրբաթ՝ հունիսի 23-ին, ՕՊԵԿ անդամ երկրները կարտելի մեջ չմտնող պետությունների հետ կքննարկեն նավթի արդյունահանման ծավալների աճի հարցը: ԱՄՆ-ն այսպիսի միջոցառումներին կողմ է, որպեսզի շուկայում նավթի գինը նվազի: Ռուսաստանը եւս աջակցում է արդյունահանման մեծացմանը:

«Ես չեմ հավատում, որ այդ հանդիպմանը կկարողանանք համաձայնության հասնել: ՕՊԵԿ-ն այն կազմակերպությունը չէ եւ հետեւում է ԱՄՆ նախագահ Դոնալդ Թրամփի հրահանգներին»,- ասել է Զանգանեն:

Իրանցի նախարարը հավելել է, որ ուրբաթ Վիեննայից կհեռանա նախքան ՕՊԵԿ+ բանակցությունների մեկնարկը:

Hayatsk.info

Հեշթեգներ: Իրան   ՕՊԵԿ+  


Վերնագիրի այլ պիտակները