Թալիբները առնվազն 30 աֆղան զինվորականների են սպանել Բադղիսի նահանգում

14:42   20 Հունիս 2018    551

Ինչպես տեղեկացնում է Hayatsk.info-ն՝ վկայակոչելով «Associated Press»-ին, Աֆղանստանի՝ Թուրքմենստանին սահմանակից Բադղիսի նահանգում երկու հսկիչ անցակետերի վրա «Թալիբան» շարժման ահաբեկիչների հարձակումները հանգեցրել են Աֆղանստանի բանակի առնվազն 30 մարտիկների զոհվելուն:

Բադղիսի նահանգային խորհրդի ղեկավար Աբդուլա Ազիզ Բեգի խոսքով՝ զինյալները զինվորների վրա կրակ են բացել հունիսի լույս 20-ի գիշերը:

Թալիբները գրոհել են հսկիչ անցակետերում գտնվող զինվորականների վրա, իսկ ապա նաեւ այն զինվորների վրա, որոնք մարտի վայր են ժամանել որպես օգնական ուժեր: Գրոհի ընթացքում զոհվել են նաեւ մի քանի ահաբեկիչներ: Անցյալ շաբաթ Աֆղանստանի նախագահ Աշրաֆ Ղանին հայտարարել Է հունիսի 12-ից մինչեւ հունիսի 19-ը միակողմանի մեկշաբաթյա հրադադարի մասին Ռամադանի ավարտման տոնակատարության առթիվ, այնուհետեւ զինադադարը երկարաձգվել Է մինչեւ հունիսի 29-ը:

«Թալիբան» արմատական շարժման պարագլուխները հայտարարել են զինադադարը պահպանելու պատրաստակամության մասին սոսկ երեք տոնական օրերի ընթացքում՝ հունիսի 15-ից մինչեւ 17-ը:

Hayatsk.info

Հեշթեգներ: Աֆղանստան  


Վերնագիրի այլ պիտակները