Չինաստանը կսկսի գերարագ վակուումային փոխադրումների ուղիների ստեղծումը

16:09   20 Հուլիս 2018    250

Hyperloop Transportation Technologies (HTT, ԱՄՆ) ընկերությունը չինական պետական ձեռնարկություններից մեկի հետ համատեղ ընկերություն կստեղծի, որը Չինաստանի հարավում Գույչժոու նահանգում կզբաղվի երկրում առաջին գերարագ վակուումային փոխադրումների ուղիների կառուցմամբ, հայտնում է Չինաստանի Կենտրոնական հեռուստատեսությունը:

«Չինաստանն աշխարհում առաջատար դիրքեր է գրավում արագընթաց երկաթուղիներով հեռավոր տարածություններ փոխադրումների երկարությամբ: Հիմա Չինաստանի իշխանությունները որոնում են մեծ հեռավորություններով փոխադրումների ավելի արդյունավետ միջոց՝ «հիպերհանգույց» [վակուումային խողովակաշար] տեխնոլոգիայի օգնությամբ»,- ասել է HTT տնօրենների խորհրդի նախագահ Բիբոպա Գրեսթուն:

Նրա խոսքով՝ ուղեւորների եւ բեռների գերարագ տեղափոխության նոր տեսակը Չինաստանի իշխանություններին թույլ կտա լուծել շատ կենսական հարցեր: Ծրագրի համաձայն՝ առաջին փուլում վակուումային ուղու երկարությունը կկազմի 10 կմ, իսկ հետագայում այն կերկարացվի:

«Հիպերհանգույցի» հայեցակարգն առաջարկվել է 2012 թվականին կանադա-ամերիկացի ձեռներեց Իլոն Մասկի կողմից: Ըստ այդմ՝ պարկուճ-գնացքը ընթանում է հատուկ վակուումային խողովակաշարով՝ զարգացնելով ավելի քան 1,2 հազար կմ/ժ արագություն: Նախատեսվում է, որ այս նախագիծն ապագայում կմրցակցի ավիա- եւ երկաթուղային տրանսպորտի հետ, թույլ կտա ամբողջությամբ տեսակափոխել աշխարհում գոյություն ունեցող տրանսպորտային ենթակառուցվածքը:

Hayatsk.info

Հեշթեգներ: Չինաստան  


Վերնագիրի այլ պիտակները