ԱՄՆ-ի և Եվրոպայի միջև առևտրային պատերազմ է ընթանում․ Ֆրանսիայի էկոնոմիկայի նախարար

19:33   22 Հուլիս 2018    75

ԱՄՆ-ի և Եվրոպայի միջև իսկական առևտրային պատերազմ է ընթանում, և G20-ի անդամ բոլոր երկրները գիտակցում են դա, նման հայտարարություն է կատարել Ֆրանսիայի էկոնոմիկայի նախարար Բրունո Լե Մերը, տեղեկացնում է Hayatsk.info-ն։

«G20-ում բոլորը գիտակցում են, որ առևտրային պատերազմն այլևս իրականություն է, այն սպառնալիք է համաշխարհային տնտեսության աճի համար։ Ես խնդրում եմ ԱՄՆ-ին գործի դնել ողջամտությունն և հարգել կանոններն ու իր դաշնակիցներին», - ասել է ֆրանսիացի նախարարը։

Նա նաև հավելել է, որ քանի դեռ Սպիտակ տունը չկատարի առաջին քայլը՝ Եվրահանձնաժողովը առևտրային բանակցությունների վերաբերյալ որևէ պաշտոնական առաջարկ հղել չի պատրաստվում։

«Եվրոպային պարզապես այլ ելք չի մնա, քան պատասխան միջոցների կիրառումը», - ասել է Լե Մերը։

Հիշեցնենք, որ ավելի վաղ ԱՄՆ-ն էականորեն ավելացրել է երկիր ներմուծվող եվրոպական ալյումինի և պողպատի համար սահմանված հարկերի չափը։

Hayatsk.info

Հեշթեգներ: Աշխարհ   ԱՄՆ   Եվրոպա  


Վերնագիրի այլ պիտակները