Իրանի նախկին նախագահ Ահմադինեժադը պահանջել Է Ռոուհանիի հրաժարականը

16:26   10 Օգոստոս 2018    223

Ինչպես տեղեկացնում է Hayatsk.info-ն՝ վկայակոչելով «Աշ Շարկ ալ Աուսաթ»-ին, Իրանի նախկին նախագահ Մահմուդ Ահմադինեժադը դիմել Է հանրապետության գործող նախագահ Հասան Ռոուհանիին՝ պահանջելով պաշտոնաթող լինել հանուն ժողովրդի հանգստության:

Ահմադինեժադը տեսաուղերձում, որը հրապարակված Է նրա կայքում, հայտարարել Է, որ Իրանի երեք հանգուցային ֆիգուրները՝ նախագահ Ռոուհանին, ինչպես նաեւ Ալի եւ Սադիք Լարիջանի եղբայրները, որոնցից մեկը գլխավորում Է երկրի Մեջլիսը, իսկ մյուսն Իրանի դատական համակարգի ղեկավարն Է, ինչպես նաեւ պահպանողական դաշինքները Թեհրանում պատասխանատվություն են կրում երկրում ստեղծված իրադրության համար:

Ահմադինեժադը գտնում Է, որ նրանց հեռանալը հանգստություն ու բարգավաճում կապահովեր Իրանին:
Սա վերջին կես տարում Ահմադինեժադի երկրորդ դիմումն Է երկրի իշխանություններին՝ հրաժարականի պահանջով: Ավելի վաղ նա հանդես Է եկել Իրանի առաջնորդ այաթոլլա Ալի Խամենեիի քննադատությամբ:

Մահմուդ Ահմադինեժադն Իրանի Իսլամական Հանրապետության վեցերորդ նախագահն Է, պաշտոնավարել Է 2005 թվականի օգոստոսից մինչեւ 2013 թվականի օգոստոսը:

Hayatsk.info

Հեշթեգներ: Իրան  


Վերնագիրի այլ պիտակները