Սլովակիայում կինը հարեւաններին խենթացրել է Վերդիի երաժշտությամբ

19:19   10 Օգոստոս 2018    129

Ինչպես տեղեկացնում է Hayatsk.info-ն՝ վկայակոչելով «BBC»-ին, Սլովակիայում ոստիկանությունը ձերբակալել է կնոջ, որը 16 տարի շարունակ հարեւաններին խենթացրել է Ջուզեպպե Վերդիի երաժշտությամբ:

Եվա Ն.-ն ամեն օր շատ բարձր միացրել է «Տրավիատա» օպերայից արիա, որն անդադար լսել է առավոտից մինչեւ կեսգիշեր: Հարեւանները պարբերաբար կնոջը բացատրել են, որ այդպես չի կարելի անել, եւ ի վերջո դիմել լրատվամիջոցներին: «Ամբողջ փողոցը տառապում էր»,- ասել է հարեւաններից մեկը:

Արդյունքում ոստիկանությունը ձերբակալել է կնոջ: Նրան մարդկանց չարակամորեն հետապնդելու մեղադրանք է առաջադրվել: Նրան 6 ամսից մինչեւ 3 տարի ժամկետով ազատազրկում է սպառնում:

Hayatsk.info

Հեշթեգներ: Սլովակիա  


Վերնագիրի այլ պիտակները