Իրանը ներկայացրել է նոր սերնդի «Ֆաթեհ» բալիստիկ հրթիռը

15:46   13 Օգոստոս 2018    263

Ինչպես տեղեկացնում է Hayatsk.info-ն՝ վկայակոչելով «Tasnim»-ին, Իրանի պաշտպանության նախարարությունը ներկայացրել է նոր սերնդի «Ֆատեհ» բալիստիկ հրթիռը, որը կարող է խուսափել ռադարներից եւ բարձր ճշգրտությամբ հարվածներ հասցնել թիրախներին:

Թեհրանում կայացած արարողության ժամանակ պաշտպանության նախարար, բրիգադային գեներալ Ամիր Հաթամին ներկայացրել է հրթիռը՝ հայտարարելով, որ պաշտպանության նախարարության աերոտիեզերական կազմակերպությունը կարող է բավարարել զինված ուժերի գործնական կարիքները՝ կարճ ժամանակում գաղափարները արտադրանքի վերածելով:

Նոր հրթիռի զանգվածային արտադրությունը կօգնի Իրանին մեծ հաջողությունների հասնել պաշտպանունակության եւ զսպող ուժի զարգացման գործում, նշել է գեներալը:

Նա նաեւ ընդգծել է, որ իրանական զինված ուժերը երբեք չեն հրաժարվի հրթիռային արդյունաբերության զարգացումից եւ տեղական հրթիռների կարողությունների ընդլայնումից: Ամիր Հաթամին ընդգծել է, որ Իրանը երբեք թույլ չի տա կողմնակի ուժերին միջամտել իրենց ներքին խնդիրներին:

Hayatsk.info

Հեշթեգներ: Իրան   Ֆաթեհ  


Վերնագիրի այլ պիտակները