Նվազագույնը 250 հազար դոլարի դիմաց Թուրքիայի քաղաքացիություն ստանալու հնարավորություն է ընձեռվում

18:46   19 Սեպտեմբեր 2018    96

Այսուհետ 250.000 դոլարով հնարավոր կլինի Թուրքիայի քաղաքացիություն ստանալ։

Ինչպես տեղեկացնում է Hayatsk.info-ն՝ վկայակոչելով «թուրքական ԶԼՄ»-ին, Թուրքիայում նվազագույնը 250.000 դոլար արժողությամբ անշարժ գույք գնած ցանկացած օտարերկրացի երկրի անձնագիր ստանալու իրավունք կունենա՝ պայմանով, որ ձեռք բերված գույքը առաջիկա 3 տարում չի վաճառվի։

Դեռևս 2016-ին օտարերկրացիները քաղաքացիություն ստանալու համար նվազագույնը պետք է 1 մլն դոլար արժողությամբ գույք ձեռք բերեին երկրում, մինչդեռ այժմ թուրքական քաղաքացիության «գինը» զգալիորեն «նվազել է»։

Ներկայում Թուրքիայի քաղաքացիություն կարող են ստանալ նաև երկրի տնտեսության մեջ նվազագույնը 500.000 դոլարի չափով ներդրում կատարած անձինք, մինչդեռ նախկինում քաղաքացիություն ձեռք բերելու համար տնտեսական ներդրումների նվազագույն շեմը 2 մլն դոլար էր։

Hayatsk.info

Հեշթեգներ: Թուրքիա   Աշխարհ  


Վերնագիրի այլ պիտակները