Հնդկաստանում ավելի քան 30 մարդ է տուժել ինքնաթիռի ներսում ճնշման անկման հետևանքով

11:50   20 Սեպտեմբեր 2018    240

Այսօր առավոտյան Jet Airways հնդկական ավիաընկերության՝ Մումբայ-Ջայփուր երթուղով մեկնած ինքնաթիռի 30-ից ավելի ուղևորներ իրենց վատ են զգացել օդանավի սալոնում ճնշման անկման պատճառով, հայտնում է NDTV հեռուստաալիքը:

Ուղևորները գանգատվել են քթից, ականջներից արյունահոսությունից և սաստիկ գլխացավերից:

Հեռուստաալիքի տվյալով՝ թռիչքից քիչ անց Boeing 737 ինքնաթիռում, որտեղ եղել է 166 ուղևոր, ճնշումն սկսել է կտրուկ իջնել: Ուղևորներն սկսել են գանգատվել վատ ինքնազգացողությունից:

Ինքնաթիռն շտապ կարգով վերադարձել է Մումբայ: Օդանավակայանում բժիշկներն առաջին օգնությունն են ցուցաբերել տուժածներին: Նախնական տեղեկատվության համաձայն՝ արտակարգ պատահարի պատճառ կարող էր դառնալ անձնակազմի սխալը, որը չէր միացրել հարկավոր ռեժիմը սրահում:

Hayatsk.info

Հեշթեգներ: Հնդկաստան  


Վերնագիրի այլ պիտակները