Թրամփը նշել է՝ ինչ թեմաներ է քննարկելու Սինձո Աբեի հետ գալիք հանդիպմանը

09:15   24 Սեպտեմբեր 2018    174

ԱՄՆ նախագահ Դոնալդ Թրամփը մտադիր է հանդիպել Ճապոնիայի վարչապետ Սինձո Աբեի հետ և քննարկել մի շարք հարցեր՝ կապված պաշտպանության ու առևտրի հետ:

Այս մասին նախագահը գրել է իր թվիթերյան պաշտոնական էջում, տեղեկացնում է Hayatsk.info-ն:

Հանդիպումը նախատեսվում է անցկացնել կիրակի երեկոյան (տեղական ժամանակով)՝ անմիջապես Նյու Յորք ժամանելուն պես, որտեղ երկուշաբթի կսկսվի ՄԱԿ-ի ԳԱ-ի նստաշրջանը:

«Գնում եմ Նյու Յորք: Այսօր երեկոյան կհանդիպեմ Ճապոնիայի վարչապետ Աբեի հետ, կխոսենք ռազմական ու առևտրային թեմաներից: Մենք այքնան շատ բան ենք արել Ճապոնիային օգնելու համար. կցանկանայինք տեսնել ավելի հավասար հարաբերություններ: Դա կհաջողվի»,- գրել է Թրամփը:

Մեկ այլ գրառման մեջ նախագահը հավելել է, որ Trump Tower-ում կայանալիք ընթրիքի ժամանակ մտադիր է շնորհավորել Սինձո Աբեին ընտրություններում «մեծ հաղթանակի» կապակցությամբ:

Hayatsk.info

Հեշթեգներ: Թրամփ   Սինձո-Աբե  


Վերնագիրի այլ պիտակները