Թրամփը խոսել է մոտակա ժամանակներում Կիմ Չեն Ընի հետ հանդիպման մասին

20:42   24 Սեպտեմբեր 2018    133

ԱՄՆ նախագահ Դոնալդ Թրամփը հայտարարել է, որ Հյուսիսային Կորեայի նախագահ Կիմ Չեն Ընի հետ երկրորդ հանդիպումը, հավանական է, կկայանա մոտակա ժամանակներում։

Նա նշել է, որ հարաբերությունները Կիմ Չեն Ընի հետ, ում ինքն անցյալ տարի անվանել էր «հրթիռ-մարդ» բավական լավացել են, տեղեկացնում է Hayatsk.info-ն։

«Երեւում է՝ շուտով երկրորդ գագաթաժողովը կլինի։ Ինչպես գիտեք, Կիմ Չեն Ընը նամակ է գրել ինձ , հիանալի է՝ նամակ, եւ խնդրել է երկրորդ հանդիպման մասին, եւ մենք դա կանենք», - ասել է Թրամփը։ Նրա խոսքերով՝ պետքարտուղար Մայք Պոմպեոն մշակում է առաջիկա հանդիպման մանրամասները։

Թրամփը նաեւ հիշեցրել է, թե որքան վտանգավոր էր իրավիճակն աշխարհում, քանի դեռ ինքը Հյուսիսային Կորեային չեր սպառնացել «իսպառ ոչնչացնել», եթե չդադարեցնի սպառնալիքները ԱՄՆ-ի եւ նրա դաշնակիցների հանդեպ։

Hayatsk.info

Հեշթեգներ: Աշխարհ   ԱՄՆ   Թրամփ  


Վերնագիրի այլ պիտակները