Թրամփն ու Մակրոնը միմյանց հանդեպ սառել են. AP

14:13   25 Սեպտեմբեր 2018    223

ԱՄՆ եւ Ֆրանսիայի նախագահներ Դոնալդ Թրամփն ու Էմանուել Մակրոնը հրաժարվել են բարեկամական գրկախառնություններից ու սիրալիրություններից, հայտնում է Associated Press-ը:

Երկուշաբթի՝ սեպտեմբերի 24-ին, Նյու Յորքում նախագահները հանդիպել են ՄԱԿ Գլխավոր վեհաժողովի 73-րդ նստաշրջանի շրջանակում: Հերթապահ ձեռքսեղմումից հետո երկրների առաջնորդներն անմիջապես գործին են անցել՝ քննարկելով Իրանի հետ միջուկային գործարքի, Սիրիայի եւ ԱՄՆ-ի ու Եվրամիության միջեւ առեւտրի հարցերը:

Չնայած Թրամփի եւ Մակրոնի հարաբերությունների որոշ «սառնությանը», նրանք, նախկինի նման, բարեկամաբար են տրամադրված, ընդգծում է գործակալությունը: Սակայն «բրոմանսը» (տղամարդկանց սերտ ընկերական հարաբերություններ), որի մասին նախկինում լրատվամիջոցները հաճախ էին գրում, նրանց միջեւ կարող է այլեւս չլինել:

Դեռեւս մեկ ամիս առաջ Associated Press-ը նշել էր, որ Մակրոնը Թրամփի հանդեպ իր վերաբերմունքը փոխել է: Դա, մասնավորապես, արտացոլվել էր նրա ելույթում, որում նա հատուկ ուշադրություն էր դարձրել Եվրամիության շահերի առաջնահերթությանը:

Hayatsk.info

Հեշթեգներ: Թրամփ   Մակրոն  


Վերնագիրի այլ պիտակները