Պենտագոնն 2 մլրդ դոլար է հատկացրել տիեզերական հրթիռների ստեղծմանը

14:45   11 Հոկտեմբեր 2018    272

Միացյալ Նահանգների ռազմական գերատեսչությունն ավելի քան 2 մլրդ դոլար է հատկացրել հեռանկարային տիեզերական հրթիռների մշակման համար, հայտնում է The Washington Post-ը՝ մանրամասնելով, որ այդ գումարով պետք է ստեղծվեն այնպիսի հրթիռներ, որոնք կկարողանան երկրի ազգային ավտանգության ապահովմանն աջակցող արբանյակներ տեղափոխել:

Հայտնի է, որ Պենտագոնն ավելի քան 2 մլրդ դոլարի պայմանագրեր է կնքել երեք ընկերության՝ United Launch Alliance-ի (ULA), Northrop Grumman-ի և Blue Origin-ի հետ:

Մասնավորապես՝ United Launch Alliance-ը 967 մլն դոլար է ստացել Vulcan Centaur հրթիռակրի կառուցման համար:

Northrop Grumman-ին 800 մլն դոլար է հատկացվել Omega մեկնարկային համակարգի կառուցման համար:

Մինչդեռ Blue Origin-ին հատկացվել է 500 մլն դոլար՝ նոր New Glenn հրթիռի համար:

Աղբյուրը նկատում է, որ նոր սերնդի հրթիռների ստեղծման համար նման չափի գումարային հատկացումներն արվում են երկրի նախագահ Դոնալդ Թրամփի՝ տիեզերական զինված ուժեր ստեղծելու լուրջ հավակնությունների ֆոնին:

Hayatsk.info

Հեշթեգներ: Պենտագոն  


Վերնագիրի այլ պիտակները