ԱՄՆ-ում ԵՄ-ին ռուսական գազի մատակարարումների կրճատման ծրագիր են ներկայացրել

16:00   11 Հոկտեմբեր 2018    136

Անվտանգության բնագավառում եվրոպական և տարածաշրջանային համագործակցության ենթակոմիտեի (Մտնում է Կոնգրեսի Սենատի արտաքին գործերի կոմիտեի մեջ) նախագահ Ռոն Ջոնսոնը և այդ ենթակոմիտեի անդամ սենատոր Քրիս Մերֆին ներկայացրել են օրինագիծ, որը Եվրամիությանը ռուսական գազի մատակարարումների կրճատման միջոցառումներ է առաջարկում, ասվում է Մերֆիի պաշտոնական կայքում:

«Եվրոպական անվտանգության և էներգետիկայի հատվածում դիվերսիֆիկացման մասին» օրենքն ուղղված է «Ռուսաստանի կործանարար ազդեցությանը հակազդելուն և ԱՄՆ-ում ու արտասահմանում տնտեսական հնարավորությունների ստեղծմանը», նշվում է կայքում: Փաստաթուղթը 1 մլրդ դոլարի հատկացում է նախատեսում ԵՄ-ում Էներգիայի նոր աղբյուրների օգտագործման նախագծերի ֆինանսավորման, նաև Եվրամիությանը դիվանագիտական ու տեխնիկական աջակցություն ցուցաբերելու համար:

«Այս օրենքը ԱՄՆ-ի առևտրի ու զարգացման գործակալությանը և մյուս գործակալություններին հնարավորություն է տալիս աջակցել Կենտրոնական ու Արևելյան Եվրոպայի ռազմավարական առումով կարեւոր էներգետիկական նախագծերում ԱՄՆ-ի մասնավոր հատվածի ներդրումներին: Այն կպաշտպանի ԱՄՆ-ի ազգային անվտանգության շահերը՝ օժանդակելով Եվրոպայում էներգետիկական անվտանգության բարելավմանը և շուկայի դիվերսիֆիկացմանը», - պարզաբանել է Ջոնսոնը:

Hayatsk.info

Հեշթեգներ: ԱՄՆ   ԵՄ  


Վերնագիրի այլ պիտակները