Ղեկին ծարավի զգացողություն ունեցող վարորդները նույնքան վտանգավոր են

22:55   14 Հոկտեմբեր 2018    293

Լաֆբորոյի համալսարանի գիտնականները հետազոտություն են անցկացրել, պարզելու համար, թե ինչպես է ջրազրկումն ազդում մարդու ռեակցիաների վրա։

Փորձի մասնակիցներին սկզբում 200 մլ հեղուկ է տրվել ժամում, իսկ փորձության օրը նրանք ընդամենը 25մլ են ստացել՝ միևնույն ժամանակահատվածի համար, տեղեկացնում է Hayatsk.info-ն։

Պարզվել է, որ առաջին դեպքում փորձի մասնակիցները միջինում 47 աննշան խախտում են արել ղեկին նստած, իսկ երբ ջրազրկված են եղել այդ թիվը 101-ի է հասել, ինչը նույնն է, եթե նրանք ալկոհոլի ազդեցության տակ լինեին։

Երբ օրգանիզմը ջրազրկվում է, մարդը վատ է սկսում ըմբռնել, նրա մոտ քնատության և ապատիայի վիճակ է առաջանում, ինչը բերում է կոպիտ սխալների։ Աշխարհում վթարների ավելի քան 90%-ը տեղի է ունենում մարդկային սխալների պատճառով, իսկ ջրազրկումը հաճախ է նման սխալների զուգընթաց գործոն հանդիսանում, քանի որ ծարավը մթագնում է ուղեղը այն ժամանակ, երբ պետք է չափազանց հավաք և ուշադիր լինել։

Օրգանիզմի ջրային հաշվեկշիռը պահպանելու համար գիտնականները խորհուրդ են տալիս մեքենայի մեջ ձեռքի տակ շշով ջուր ունենալ և խմել այն փոքր կումերով։ Ընդ որում, սուրճն ու կոլան երբեք չեն կարող փոխարինել ջրին,– պնդում են մասնագետները:

Hayatsk.info

Հեշթեգներ: Աշխարհ  


Վերնագիրի այլ պիտակները