Մոլորակի մարդկանց կեսն ապրում է օրական մոտ 5,5 դոլարով. Համաշխարհային բանկի տվյալները

10:05   17 Հոկտեմբեր 2018    251

Երկիր մոլորակի աղքատ բնակչության մեծ մասն ապրում է առավել բարեկեցիկ երկրներում։

Մոլորակի ավելի քան 1,9 միլիարդ բնակիչները կամ ընդհանուր թվի 26,2%-ն ապրում են օրական 3,2 դոլարով, իսկ 3,4 միլիարդը (այսինքն` բնակչության 46%-ը կամ ընդհանուր թվի մոտ կեսը)` 5,5 դոլարով։

Այս տվյալները ներկայացված են Համաշխարհային բանկի զեկույցում, որը նվիրված է աշխարհի աղքատությանը։ Այս մասին հայտնում է ՌԻԱ Նովոստին։

Ըստ այդ զեկույցի` աշխարհում կրճատվել է ծայրահեղ աղքատների (օրական 1,9 դոլարով ապրողների) թիվը, աղքատության վերացման տեմպերը նվազել են։ Համաշխարհային բանկն այս իրավիճակը կապում է այն փաստի հետ, որ աշխարհի աղքատ բնակչության մեծ մասը հիմա ապրում է առավել բարեկեցիկ երկրներում։

«Անհրաժեշտ է նշել աղքատության հավելյալ հատկանիշներն ու դիտարկել աղքատության խնդրի ավելի լայն ընկալումը», — նշում է բանկը։

Աղքատության խնդրի դեմ ամենաարագ տեմպերով պայքարում են Արևելյան Ասիան ու Խաղաղօվկիանոսյան տարածաշրջանը, որտեղ աղքատ բնակչության 40%-ի եկամուտը 2010 — 2015 թվականներին աճել է միջինը 4,7%-ով։

Hayatsk.info

Հեշթեգներ: Աշխարհ  


Վերնագիրի այլ պիտակները