Հայտնի է՝ որքան կարժենա ու երբ վաճառքի կհանվի Samsung-ի ճկվող հեռախոսը. լրատվամիջոցներ

12:27   13 Նոյեմբեր 2018    251

Հարավկորեական Samsung տեխնոլոգիական ընկերության ամենաթարմ նորույթը՝ Galaxy F ճկվող հեռախոսը, վաճառքում կհայտնվի մարտին ու կարժենա 1.770 դոլար, գրում է The Verge-ը՝ հարավկորեական լրատվամիջոցներին հղումով:

Աղբյուրը նկատում է, որ ի տարբերություն Samsung-ի մյուս սմարթֆոնների, այս մեկը զանգվածային շուկայի համար նախատեսված չի լինի ու կլինի էքսկլյուզիվ մոդել:

Ճկվող հեռախոսն ունի երկու էկրան, ինչի շնորհիվ փակված վիճակում այն կարելի է օգտագործել որպես հասարակ սմարթֆոն, մինչդեռ բացելու դեպքում այն վերածվում է 7,3 դյույմ անկյունագծով էկրանով հարմար պլանշետի:

Samsung-ը ճկվող մեխանիզմը փորձարկել է ավելի քան 200.000 անգամ, ինչը նշանակում է, որ այն շատ դիմացկուն է և չի խափանվի:

Hayatsk.info

Հեշթեգներ: Samsung  


Վերնագիրի այլ պիտակները

hayatsk.info ©2016 | Բոլոր իրավունքները պաշտպանված են