Ընտրություններից հետո Թրամփը թաքնվել է «դառնության և դժգոհության բոժոժում»

20:55   14 Նոյեմբեր 2018    198

ԱՄՆ Կոնգրեսի միջանկյալ ընտրությունների նախընտրական քարոզարշավի ընթացքում ԱՄՆ նախագահ Դոնալդ Թրամփը ակտիվորեն այցելել է նահանգներ և մեծ թվով հանդիպումներ է ունեցել համակիրների հետ, սակայն նոյեմբերի 6-ի ընտրությունների արդյունքում նրա տրամադրությունը կտրուկ փոխվել է:

Ինչպես տեղեկացնում է Hayatsk.info-ն՝ վկայակոչելով « Los Angeles Times»-ին, Որովհետեւ համոզմունքը, որ ԱՄՆ Ներկայացուցիչների պալատի վերահսկողությունը իրենց ձեռքը վերցրած դեմոկրատները կսկսեն ուսումնասիրել իր հարկային հայտարարությունները և գործողությունները, ինչպես նաև հատուկ դատախազ Ռոբերտ Մյուլլերի կողմից հնարավոր նոր պաշտոնական մեղադրանքների պատճառով Թրամփը թաքնվել է «դառնության և դժգոհության բոժոժում»,- գրում է թերթը՝ վկայակոչելով նախագահի աշխատակազմի մի քանի աղբյուրներ:

LA Times-ի տվյալներով՝ Թրամփը զայրացել է մի քանի օգնականների վրա. ԶԼՄ-ների բաժնի կրտսեր օգնականներից մինչև բարձրաստիճան պաշտոնյաներ: «Նա կատաղած է: Աշխատակիցների մեծ մասը փորձում է խուսափել նրանից»,- ասել է վարչության աշխատակիցներից մեկը:

Աղբյուրներից մեկի համաձայն՝ Թրամփի ամենամոտ դաշնակիցներից մի քանիսը՝ Սպիտակ տան վարչակազմի ղեկավար Ջոն Քելլին և ներքին անվտանգության բաժնի պետ Կիրստեն Նիլսենը կարող են հեռանալ վարչությունից:

Hayatsk.info

Հեշթեգներ: Աշխարհ   ԱՄՆ  


Վերնագիրի այլ պիտակները