Բրիտանիայի բնակչության կեսը համաձայն չէ ԵՄ-ից երկրի դուրս գալուն

13:21   16 Նոյեմբեր 2018    230

Մեծ Բրիտանիայի բնակչության ավելի քան կեսը համաձայն չէ Եվրամիությունից երկրի դուրս գալուն եւ հանդես է գալիս կրկնակի հանրաքվեի պահանջով։

Ինչպես տեղեկացնում է Hayatsk.info-ն՝ վկայակոչելով Sky News-ին, հարցումների արդյունքների համաձայն՝ բրիտանացիների 54 տոկոսը կուզեր, որ երկիրը մնար ԵՄ-ի կազմում։

Միայն 32 տոկոսն է համաձայն Brexit-ի հետ։ Եւս 14 տոկոսը հայտարարել է, որ կողմ է ԵՄ-ից առանձնանալուն՝ բրիտանական կառավարության հետ համաձայնեցված պայմաններով։

Բացի այդ, հետազոտության արդյունքները պարզել են, որ Մեծ Բրիտանիայի հպատակների մեծ մասը (55 տոկոս) կրկին հանրաքվե անցկացնելու կողմնակից է։ Հարցումը կատարվել է նոյեմբերի 15-ին։ Դրան մասնակցել է ավելի քան 1,4 հազար մարդ։

Hayatsk.info

Հեշթեգներ: Մեծ-Բրիտանիա   ԵՄ  


Վերնագիրի այլ պիտակները

hayatsk.info ©2016 | Բոլոր իրավունքները պաշտպանված են