Գեր ուղեւորի կողմից ճնշված տղամարդը դատի է տվել British Airways-ին

13:23   17 Նոյեմբեր 2018    325

Ուղեւորը չվերթից երկու տարի անց դատի է տվել British Airways ավիաընկերությանը՝ թռիչքի ժամանակ ստացած վնասվածքների պատճառով:

Ինչպես տեղեկացնում է Hayatsk.info-ն՝ վկայակոչելով Daily Mail-ին, 51-ամյա Սթիվեն Պրոսերը պատմել է, որ 2016թ․ հունվարին Լոնդոն-Բանգկոկ 13 ժամանոց չվերթի ընթացքում ինքը անհարմար դիրքով է եղել՝ կողքին նստած գեր ուղեւորի պատճառով, որի քաշը մոտ 150 կգ է եղել։

Նա ասել է, որ թռիչքի ժամանակ անձնակազմին խնդրել է փոխել իր տեղը, սակայն նրան պատասխանել են, որ բոլոր տեղերը զբաղված են։ Անհարմար դիրքի հետեւանքով ուղեւորը մեջքի նյարդի եւ կոնքի վնասվածք է ստացել։ Բժիշկը նրան բուժում է նշանակել, որը 2 տարի է տեւել։

Տղամարդու խոսքերով՝ ավիաընկերությունը չի պատասխանել իր նամակներին, ինչից հետո ինքը դատի է տվել British Airways-ին։ Վերջինիս գրասենյակը հրաժարվել է մեկնաբանել դեպքը։

Hayatsk.info

Հեշթեգներ: British-Airways  


Վերնագիրի այլ պիտակները