Samsung-ի օգտատերերը չեն կարողանում ջնջել Facebook-ը

19:57   10 Հունվար 2019    199

Samsung-ի օգտատերերը բողոքում են, քանի որ չեն կարողանում Facebook հավելվածը իրենց սմարթֆոններից ջնջել, հայտնում է Bloomberg-ը։

Պարբերականը ուշադրություն է դարձրել այս խնդիրին այն բանից հետո, երբ Samsung Galaxy S8-ի օգտատերերից մեկը հայտնել է, որ ցանկացել է սոցցանցը ջնջել իր հեռախոսից, սակայն չի գտել այդպիսի տարբերակ։ Միակ հնարավոր տարբերակը հավելվածի աշխատանքի դադարեցումն է եղել։

Facebook-ի ներկայացուցիչն իր հերթին հայտարարել է, որ այդ գործառույթի անջատումը համարժեք է հավելվածի ջնջմանը, իսկ օգտատերերն անհանգստանալու կարիք չունեն, քանի որ սոցցանը չի հավաքի անձնական տվյալներ եւ չի պահպանի դրանք Facebook-ի ծառայությունում։ Samsung-ի ներկայացուցիչները եւս հաստատել են, որ օգտատերերը մտահոգվելու կարիք չունեն, հավելվածի ապակտիվացումը համարժեք է դրա ջնջմանը։

Hayatsk.info

Հեշթեգներ: Samsung   Facebook  


Վերնագիրի այլ պիտակները