Արգենտինայում տասնյակ հազարավոր մարդիկ ջահերով երթ են կազմակերպել ընդդեմ նախագահի

11:27   11 Հունվար 2019    226

Տասնյակ հազարավոր արգենտինացիներ դուրս են եկել Բուենոս Այրեսի փողոցներ ու ջահերով երթ կազմակերպել ընդդեմ երկրի նախագահ Մաուրիսիո Մակրիի խիստ տնտեսման ծրագրի ու կտրուկ գնաճի:

Ինչպես նշում է Reuters-ը, երկրում թանկացել են հանրային ծառայությունների գները, քանի որ Մակրին երկրի քրոնիկ ֆիսկալային պակասորդը նվազեցնելու նպատակով կրճատել է պետական սուբսիդավորման ծավալները: Դրա հետևանքով Մակրիի պաշտոնավարումից ի վեր Արգենտինայում ավելի քան 2000%-ով աճել են էլեկտրաէներգիայի ու գազի սակագները: Նախատեսվում է, որ այս տարի գներն ավելի կբարձրանան:

«Մարդիկ չեն կարողանում ծայրը ծայրին հասցնել: Կառավարության ձեռնարկած քայլերը դեմ են աշխատավորների շահերին»,- նշել է ակցիայի մասնակիցներից մեկը:

Քաղաքացիները մտադիր են փետրվարի ընթացքում ամեն շաբաթ բողոքի ակցիա կազմակերպել:



Hayatsk.info

Հեշթեգներ: Արգենտինա  


Վերնագիրի այլ պիտակները