Coca-Cola-ն նոր համ կունենա

12:18   11 Փետրվար 2019    291

Coca-Cola ընկերությունը 10 տարվա ընթացքում առաջին անգամ նոր ըմպելիքի արտադրություն է սկսում, որը վանիլի եւ նարնջի համ կունենա:

Այս մասին ասվում է ընկերության կայքում հրապարակված մամուլի հաղորդագրությունում:

Նորույթը վաճառքում կհայտնվի փետրվարի 25-ից երկու տարբերակով՝ շաքարով եւ առանց շաքարի: Ընդ որում նշվում է, որ տասը տարվա ընթացքում սա ըմպելիքի համերի շարքի առաջին համալրումն է. 1985 թվականին բալի համով Coca-Cola էր հայտնվել, իսկ 2007-ին՝ վանիլի համով:

Նոր արտադրանքի թողարկման նախապատրաստման ընթացքում ընկերությունը ֆոկուս խմբերին տարբեր համերով ըմպելիքներ է առաջարկել, այդ թվում ազնվամորու, կոճապղպեղի եւ կիտրոնի համով, սակայն մասնակիցները նախընտրել են վանիլի եւ նարնջի համով տարբերակը:

«Մենք ցանկանում էինք ամառային անհոգ օրերի դրական հուշեր արթնացնել», - ասել է ընկերության բրենդ-տնօրեն Քեյթ Քարփենտերը:

Hayatsk.info

Հեշթեգներ: Coca-Cola  


Վերնագիրի այլ պիտակները