Որն է ՆԱՏՕ-ի մղձավանջը ըստ գերմանական մամուլի

19:52   15 Ապրիլ 2019    128

Թուրքիայի կողմից ռուսական С-400 «Триумф» զենիթահրթիռային համակարգերի գնումը դարձել է ՆԱՏՕ-ի համար մղձավանջ ու սարսափ։

Նման կարծիք է հայտնել գերմանական Stern պարբերականը։ Հոդվածում նշվում է, որ այն, որ С-400-ի մեկ հավաքակազմը տարվեց Սիրիա, արդեն դաշինքի ազդեցությունը չեզոքացրեց այդ երկրում եւ հաստատեց ռուսական գերիշխանությունը Սիրիայում, քանի որ յուրաքանչյուր մարտական թռիչք արդեն անկանխատեսելի էր դառնում Հյուսիս-Ատլանտյան դաշինքի համար։

Նույն կերպ եւ հիմա, Թուրքիան անհամեմատ ավելի մեծ անկախություն եւ ինքնիշխանություն է ձեռք բերում եւ թուլացնում իր կախվածությունը ՆԱՏՕ-ից ռուսական սպառազինություններ գնելով, տեղեկացնում է Hayatsk.info-ն։

Բանն այն է, որ С-400 համակարգերի բնութագրիչները Արեւմուտքին ամբողջովին հայտնի չեն, սակայն այն փաստը, որ Թուրքիան նախընտրում է այն ամերիկյան նմանատիպ Patriot համակարգերից, խոսում է այն մասին, որ Մոսկվային հաջողվել է համոզել Անկարային որ ռուսական համակարգերը ավելի արդյունավետ են, հատկապես այսպես ասած անտեսանելի թիրախների հայտնաբերման եւ ոչնչացման տեսակետից։

Բացի այդ, С-400-ը համարվում է աշխարհի ամենահզոր հակաօդային համակարգերից մեկը, այն դեպքում, երբ այն գրեթե երկու անգամ էժան է ամերիկյան Patriot-ից։ Պարբերականը ֆիքսում է, որ Կրեմլի համար այն գլուխգործոց է, իսկ ՆԱՏՕ-ի համար՝ մղձավանջ ու սարսափ։

Hayatsk.info

Հեշթեգներ: ՆԱՏՕ   Թուրքիա   С-400  


Վերնագիրի այլ պիտակները