Մեքսիկան կվաճառի կոռումպացված հարուստների մեքենաները

12:54   24 Մայիս 2019    190

Մեքսիկական իշխանությունները պատրաստվում են աճուրդի հանել կոռումպացված մեծահարուստներից առգրավված տասնյակ լյուքս դասի մեքենաներ, որոնց վաճառքից ստացված գումարն ուղղվելու է կարիքավորների օգնությանը:

Ինչպես հայտնում է The Guardian-ը, երկրի նախագահ Անդրես Մանուել Լոպես Օբրադորը, որն ավելի վաղ հակակոռուպցիոն արշավ էր նախաձեռնել, տեղեկացրել է, որ այս կիրակի կայանալիք աճուրդից ստացված ամբողջ հասույթը բաշխվելու է սոցիալական ծրագրերի, կարիքավոր խմբերի միջև:

«Բոլորին հրավիրում ենք մասնակցել աճուրդին: Հանցագործներից առգրավված ամեն բան հետ է վերադարձվելու երկրի կարիքավոր համայնքներին»,-ասել է նա:

Նորաստեղծ Գողացված բարիքները ժողովրդին վերադարձնելու ինստիտուտի տնօրեն Ռիկարդո Ռոդրիգես Վարգասը մանրամասնել է, որ ընդհանուր առմամբ վաճառքի է հանվելու 82 մեքենա՝ մոտ 1,5 մլն դոլար ընդհանուր արժեքով:

Հավաքածուում կան Lamborghini Murciélago, Ford Shelby, Corvette, Hummer և այլ մեքենաներ:

Ավելի ուշ կկայանա ևս երկու աճուրդ, որոնց ընթացքում վաճառքի կհանվեն առգրավված տներն ու թանկարժեք զարդերը:

Hayatsk.info

Հեշթեգներ: Մեքսիկա  


Վերնագիրի այլ պիտակները