Կատարում փողոցները կապույտ գույնով են ներկում՝ ասֆալտի ջերմությունը նվազեցնելու նպատակով

10:38   18 Օգոստոս 2019    146

Կատարի հասարակական աշխատանքների անցկացման վարչությունը ճապոնական ընկերության հետ համատեղ սկսել է կյանքի կոչել Դոհայի կենտրոնում փորձնական ծրագիրը, որով փողոցները ներկում են կապույտ գույնով, հաղորդում է «ՌԻԱ Նովոստի»-ն՝ հղում անելով «Ար-Ռայա» թերթին:

«Մուգ ասֆալտի ջերմաստիճանը 20 աստիճանով բարձր է, քան փաստացի ջերմությունը, որը սեւ գույնը ներքաշում է եւ ջերմություն հաղորդում, այդ պատճառով որոշում է ընդունվել փողոցները կապույտ գույնով ներկել, որպեսզի 15-20 աստիճանով նվազեցվի ասֆալտի ջերմությունը»,- թերթը մեջբերում է ինժեներ Սաադ ալ-Դոսերիի խոսքը, տեղեկացնում է Hayatsk.info-ն:

Վարչությունը փորձնական ծրագիրը սկսել է Դոհայի տեսարժան վայրերից մեկում՝ հնագույն Սուկ ալ-Վակիֆ շուկայի մոտակայքում գտնվող Աբդուլլա բեն Ջասեմի փողոցում, որտեղ կանաչ տարածք գրեթե չկա եւ ամռանը ջերմաստիճանը հասնում է մինչեւ 50 աստիճանի: Ինժեները հավելել է, որ կապույտ փողոցում ջերմաստիճանի փոփոխությանը կհետեւեն մեկուկես տարի:

Hayatsk.info

Հեշթեգներ: Կատար   Աշխարհ  


Վերնագիրի այլ պիտակները