Գրենլանդիան չի վաճառվում․ Դանիայի վարչապետն՝ ի պատասխան Թրամփի մտադրության

13:43   19 Օգոստոս 2019    171

ԱՄՆ նախագահ Դոնալդ Թրամփը հաստատել է, որ հետաքրքրված է Դանիայից Գրենլանդիայի գնմամբ։

Նա նշել է, որ դա օրակարգային թիվ 1 հարցը չէ, սակայն ռազմավարական տեսանկյունից ԱՄՆ-ը հետաքրքրված է կղզով։ Ինչպես փոխանցում է ТАСС գործակալությունը, Թրամփն այդ մասին հայտնել է Նյու Ջերսիում կայացած մամուլի ասուլիսի ժամանակ։

Դանիայի վարչապետ Մատտե Ֆրեդերիկսենը կտրականապես հերքել է Գրենլանդիայի վաճառքի հնարավորությունը։ Այն հանդիսանում է ինքնավարություն՝ թագավորության կազմում։ Այս մասին նա հայտնել է Sermitsiaq թերթին տված հարցազրույցում։ Դանիայի վարչապետը հույս է հայտնել, որ գնման մասին խոսակցությունը լուրջ չէ։

«Գրենլանդիայի կառավարությունը հստակ հայտարարել է, որ Գրենլանդիան չի վաճառվում, սակայն բաց է համագործակցության ու առևտրի համար»,- ասել է Դանիայի վարչապետը։

Hayatsk.info

Հեշթեգներ: Դանիա   Թրամփ  


Վերնագիրի այլ պիտակները