«Ամուլսար՝ միայն սար», «Լիդիան» հեռացիր». Գործադուլ և դասադուլ՝ հանուն Ամուլսարի

11:33   20 Սեպտեմբեր 2019    549

Վաղ առավոտից Ջերմուկի, Գնդեվազի ու հարակից այլ համայնքների բնակիչները գործադուլ են հայտարարել՝ հանուն Ամուլսարի։

Ամուլսարի շահագործման դեմ պայքարին միացել են նաև աշակերտները, ովքեր դասադուլ են հայտարարել։

«Ամուլսար՝ միայն սար», «Լիդիան» հեռացիր» վանկարկումներով աշակերտները դուրս են եկել փողոց։

Ջերմուկի բնակիչներից մեկը հայտարարեց, թե եթե Հայաստանի վարչապետ Նիկոլ Փաշինյանը շարունակի հայտարարել, որ հանքը պետք է շարունակի աշխատել, ապա անձամբ կազմակերպելու է, որ բոլոր ջերմուկցիները Հայաստանի Հանրապետությանը դատի տան միջազգային ատյաններում։

Ամուլսարի շահագործման դեմ պայքարին միացել են նաև խանութների սեփականատերերը։

«Եթե Ամուլսարը պիտի բացվի, էդ խանութներն ո՞ւմ են պետք, ժողովուրդն ի՞նչ պիտի անի այստեղ, չգիտենք՝ ուր ենք գնալու», - ասաց խանութի սեփականատերը։



Hayatsk.info

Հեշթեգներ: Ամուլսար  


Վերնագիրի այլ պիտակները