Դեղին բաճկոնների» պատճառով Փարիզում փակվել է մետրոյի ավելի քան 20 կայարան

18:23   16 Նոյեմբեր 2019    370

Փարիզում մետրոյի ավելի քան 20 կայարան և քաղաքային տրանսպորտի մի քանի ցանց է փակվել այսօր առավոտյան՝ «դեղին բաճկոնների» կողմնակիցների ծրագրած ցույցերի պատճառով:

«Դեղին բաճկոնների» զանգվածային ցույցերը Ֆրանսիայում սկսվել են 2018 թվականի նոյեմբերի 17-ին մեքենայի վառելիքի գները չբարձրացնելու պահանջով, որոնց հետագայում գումարվել էին այլ պահանջներ ևս, տեղեկացնում է Hayatsk.info-ն:

Շաբաթօրյա ավանդական ցույցերը հաճախ ուղեկցվել են անկարգություններով և ոստիկանության հետ բախումներով:

Ցուցարարների ծրագրի համաձայն՝ ցույցերի մեկնարկի՝ մեկ տարին լրանալու օրերին պետք է մի շարք բողոքի ակցիաներ անցկացվեն, որոնցից ոչ բոլորն են համաձայնեցված իշխանությունների հետ:

Այս առիթով Փարիզի հասարակական տրանսպորտի ընկերության տարածած հայտարարություններում ասվում է, որ քաղաքի կենտրոնական շրջաններում հասարակական տրանսպորտի որոշ կայարաններ չեն աշխատելու:

Hayatsk.info

Հեշթեգներ: Աշխարհ    


Վերնագիրի այլ պիտակները

hayatsk.info ©2016 | Բոլոր իրավունքները պաշտպանված են