Փհենյանը ԿԺԴՀ-ում մարդու իրավունքների խախտման առնչությամբ ՄԱԿ-ի ընդունած բանաձևը սադրանք է անվանել

13:44   17 Նոյեմբեր 2019    406

ՄԱԿ-ի՝ Կորեայի ժողովրդադեմոկրատական Հանրապետությունում մարդու իրավունքների ոտնահարումը դատապարտող բանաձևը Փհենյանը սադրանք է անվանել, գրում է Hayatsk.info-ն՝ հղում անելով ԿԺԴՀ-ի արտգործնախարարության հայտարարությանը։

«ՄԱԿ-ի գլխավոր ասամբլեայի 74-րդ նստաշրջանը ճնշումների ներքո ընդունել է ԿԺԴՀ-ում մարդու իրավունքների ոտնահարման վերաբերյալ բանաձևը։ Մենք առանց վարանելու նշված բանաձևը թշնամի ուժերի կողմից քաղաքական ճնշման միջոց ենք դիտարկում, որի նպատակը մեր պետական կարգը բռնի կերպով և ամբողջությամբ տապալելն է․ մենք դատապարտում ենք այդ բանաձևի ընդունումը»,- հայտարարել է ԿԺԴՀ-ի արտգործնախարարությունը։

Հայտարարության մեջ նաև նշվում է, որ ՄԱԿ-ը ԱՄՆ-ի խամաճիկն է և գործում է նրա ցուցումներով, ինչը հերթական անգամ ապացուցվեց բանաձևի ընդունման փաստով։

Hayatsk.info

Հեշթեգներ: Փհենյան   ԿԺԴՀ  


Վերնագիրի այլ պիտակները