Թբիլիսիում հանրահավաքը դուրս Է եկել օրենքի շրջանակից. Վրաստանի ՆԳՆ

15:37   18 Նոյեմբեր 2019    244

Թբիլիսիում հանրահավաքը, որն սկսվել Է նոյեմբերի 17-ին խորհրդարանի մոտ, իսկ այնուհետեւ բերել օրենսդիր մարմնի շրջափակման, դուրս Է եկել օրենքի շրջանակից:

Hayatsk.info-ն հայտնում է, որ այդ մասին ասված Է Վրաստանի ՆԳ նախարարության՝ նոյեմբերի 18-ին հրապարակված հայտարարության մեջ:

«Հանրահավաքը, որը նոյեմբերի 18-ին սկսվել Է Ռուսթավելի պողոտայում, խորհրդարանի շենքի առջեւ, ավելի ուշ հակաօրինական բնույթ Է ընդունել: Մասնավորապես, հավաքվածների մի մասը փակել Է օրենսդիր մարմնի բոլոր մուտքերը:

Դրա հետ մեկտեղ քաղաքական ղեկավարները բացահայտորեն կոչ են անում կողմնակիցներին՝ խոչընդոտել խորհրդարանի աշխատանքին: Չնայած ՆԳ նախարարության կողմից արված մի շարք կոչերին ու նախազգուշացումներին, ժողովների եւ կարծիքների արտահայտման ազատությունը դուրս Է եկել օրենքի շրջանակից»,-նշվում Է հայտարարության մեջ:

Ինչպես արդեն տեղեկացվել Է, Վրաստանի խորհրդարանը նոյեմբերի 18-ին չի կարողացել հանգստյան օրերից հետո վերսկսել աշխատանքը այն բանի պատճառով, որ բողոքի ակցիայի մասնակիցներն արգելափակել են խորհրդարանի շենքի բոլոր մուտքերը եւ այնտեղ թույլ չեն տալիս մտնել պատգամավորներին:

Խորհրդարանի մամուլի ծառայության աշխատակիցը հայտնե Է, որ ժամը 12:00-ի դրությամբ պլանավորված Էր ճյուղային տնտեսության եւ տնտեսական քաղաքականության կոմիտեի նիստը, սակայն այն հետաձգվել Է անորոշ ժամանակով: Այսօր նաեւ նշանակված Է խորհրդարանի բյուրոյի նիստը: Այն պետք Է կայանա ժամը 15:00-ին, բայց առայժմ պարզ չԷ՝ կկայանա այն արդյոք, թե կհետաձգվի:

Hayatsk.info

Հեշթեգներ: Թբիլիսի  


Վերնագիրի այլ պիտակները