Մեքսիկայի ափերին տեղի է ունեցել 6,3 մագնիտուդով երկրաշարժ

12:45   20 Նոյեմբեր 2019    239

6,3 մագնիտուդով երկրաշարժ է տեղի ունեցել Մեքսիկայի Չյապաս նահանգի ափերին, հայտնում է Եվրոպական-Միջերկրածովյան սեյսմոլոգիական կենտրոնը (EMSC), տեղեկացնում է Hayatsk.info-ն:

Սեյսմոլոգների տվյալներով՝ երկրաշարժը գրանցվել է UTC ժամանակով 04.27-ին: Ստորգետնյա ցնցումների էպիկենտրոնը տեղակայված է Պուերտո Մադերո բնակավայրից 110 կմ հարավ-արեւմուտք: Երկրաշարժի օջախը 60 կմ խորության վրա էր:

Մեքսիկայի ազգային սեյսմոլոգիական ծառայությունն իր հերթին նշում է, որ երկրաշարժի մագնիտուդը կազմել է 6,4:

Milenio պարբերականը հայտնում է, որ ստորգետնյա ցնցումները զգացվել են առափնյա եւ բարձրլեռնային շրջաններում Չյապաս նահանգի տարածքում, Տաբասկո նահանգի որոշ շրջաններում, ինչպես նաեւ Գվատեմալայի Սան Մարկոս համայնքի տարածքում:

Հնարավոր զոհերի եւ ավերածությունների մասին տեղեկություններ չեն հաղորդվում:

Hayatsk.info

Հեշթեգներ: Մեքսիկա  


Վերնագիրի այլ պիտակները